سڑک

اکثر جب زہن بہت الجھ جاتا ہے  مسائل الجھے ہوئے دھاگوں کی طرح دماغ  کی شریانوں  سے چمٹ جاتاے ہیں  اور ان کا   کوئی   سرا نہیں ملتا کہ اپنے زہن کو اس سے آزاد کروا سکوں ۔ زندگی  کسی بھٹکی ہوئی روح  کی طرح  دیواروں سے ٹکریں مارتی ہوئی محسوس ہوتی ہے   

 میں گھر سے نکل کر کسی کالی سنسان سڑک پر چل پڑتا ہوں کوشش یہی ہوتی ہے کہ کسی سیدھی سڑک کا انتخاب کروں جس میں کوئی بل نہ ہوں سامنے تا حد نگاہ کوئی رکاوٹ نہ نظر آئے کہ شاید اسی طور میری مختلف سمت میں بھٹکتی  ہوئی سوچوں کو  ایک  زاویہ  ملے۔
 لیکن جس بھی سڑک پر چلوں یہی احساس ہوتی کہ وہ اتنی سیدھی نہیں اور جتنا بھی زندگی کو  سلجھانے کی کوشش کروں یہی محسوس ہوتا ہے کہ یہ ایک آزاد دھاگا نہیں ہے۔۔